სოხუმმა აფხაზეთში რუსეთის მოქალაქეებისთვის ქონების დაბრუნების შესახებ მოსკოვის წინადადებების განხილვაზე უარი თქვა. რუსეთის საგარეო საქმეთა სამინისტრომ სოხუმს „რუსეთის მოქალაქეებისთვის ქონებრივი უფლებების აღდგენის კონცეფციია“ და შესაბამისი ერთობლივი რუსულ-აფხაზური კომისიის მუშაობა რამდენიმე თვის წინ შესთავაზა.
სოხუმის სეპარატისტული ხელისუფლების პრემიერ-მინისტრ სერგეი შამბას განმარტებით, აღნიშნული დოკუმენტი იმის გამო არ განიხილეს, რომ გაუგებარია, ვის წინადადებებს წარმოადგენდა რუსეთის საგარეო საქმეთა სამინისტროდან გამოგზავნილ დოკუმენტი - მასზე არ იყო რუსეთის პრეზიდენტის რეზოლუცია და სამინისტროს სარეგისტრაციო ნომერი.
შამბამ ამ საკითხზე საჯარო განცხადება მას შემდეგ გააკეთა, რაც ადგილობრივმა პრესამ აფხაზეთის ხელისუფლება ეროვნული ინტერესების იგნორირებაში დაადანაშაულა.
|